- ट्रेण्डिङ :
एजेन्सी । कोरोना भाइरसले पश्चिमा देशलाई सबैभन्दा धेरै समस्यामा पारेको छ । पूर्वाधार र जनस्वास्थ्यको क्षेत्रमा पश्चिमी देश कमजोर सावित भएका छन् । उनीहरु अहिले कोरोना भाइरसको संक्रमणमा जुधिँरहेका छन् ।
अमेरिकाले परीक्षण गरिरहेको भ्याक्सिन सन् २०२१ को सुरुवातपछि मात्रै बजारमा आउनसक्ने र बेलायतको अक्सफोर्ड विश्व विद्यालयले विकास गरेको भ्याक्सिन परीक्षण रोकिएर फेरि सुरु भएको छ । यी दुबै भ्याक्सिन चिनियाँ भ्याक्सिन भन्दा पछाडी छन् ।
चीनले भ्याक्सिन उत्पादनमा मात्रै होइन, कुटनीतिक हिसाबले पनि आफूलाई सबैभन्दा अगाडि लगेको छ । संसारभरका वैज्ञानिकले कोरोनाविरुद्धको भ्याक्सिन निर्माणमा चीन सबैभन्दा अगाडि रहेको बताएका छन् ।
बेलायतको टेलिग्राफमा छापिएको रिपोर्ट अनुसार संसारभरका वैज्ञानिकले संसारमै सबैभन्दा पहिले कोरोनाविरुद्धको भ्याक्सिन चिनियाँ हुनसक्ने अनुमान गरेका छन् । संसारकै राजनीतिज्ञहरुले चीनले कोरोनाविरुद्धको भ्याक्सिन निर्माण गरेपछि विश्व राजनीति कता जान्छ भनेर चर्चा परिचर्चा सुरु गरेका छन् ।
१. तेस्रो चरणको क्लिनिकल परीक्षणमा चिनियाँ भ्याक्सिन धेरै छन् । अहिले ९ वटा भ्याक्सिन परीक्षण तेस्रो चरणमा प्रवेश गरेकामा चीनका ४ वटा भ्याक्सिन रहेका छन् ।
२. चीनले भ्याक्सिन बनाउनका लागि अन्य देशको भन्दा फरक विधि प्रयोग गरेको छ । चीनले पुरानो र विश्वसीलो विधिको प्रयोग गरेर भ्याक्सिन निर्माण गरेको छ ।
३. चीनले भ्याक्सिन निर्माण गरेर आफूलाई सुरुमै तेस्रो चरणमा प्रवेश गराउन सफल भएको थियो । संसारमै तेस्रो चरणको परीक्षणमा चिनियाँ भ्याक्सिन नै पुगेका थिए ।
