- ट्रेण्डिङ :
कुबेत- अलमुल्ला एक्सचेन्ज कपको उपाधि आयोजक टिम माङ्गाफ फुटवल क्लब (Mangaf FC) ले हात पारेको छ ।
कुवेतको फाहाहिलस्थित फुटबल मैदानमा हिजो सौहार्दपूर्ण बातावरणमा सम्पन्न भएको खेलमा पेनाल्टी सुटमा पुर्वेली टाईगरलाई हराउँदै Mangaf FC ले उपाधिमा कब्जा जमाएको हो ।
प्रतियोगितामा ९ सशक्त नेपाली टिमहरुले सहभागीता जनाएको खेलमा जसबाट आफ्ना निकट्तम प्रतिस्पर्धी टिमहरुलाई पराजित गर्दै Mangaf FC र पुर्वेली टाईगर फाईनलमा प्रवेश गरेको थियो । फाईनल खेल दुबै टिम बिच कडा प्रतिस्पर्धा भएको थियो । निर्धारित समयमा दुवै टोलीबाट कुनै गोल नभएपछी उपाधिको छिनोफानो पेनाल्टी सुटआउट बाट लिइएको थियो । पेनाल्टी सुटमा Mangaf FC क्लबले ५ विरूद्ध ६ गोल गर्दै उपाधि हात पारेको थियो ।
अलमुल्ला एक्सचेन्ज कुबेतको मुख्य प्रायोजन तथा मंगाफ फुटबल क्लबको आयोजनामा भएको प्रतियोगिताको विजेता टिम Mangaf FC ले १०१ केडी नगद, ट्रफी,मेडल र प्रमाण पत्र पाएको थियो भने द्वितीय हुने पुर्वेली टाईगरले ५५ केडी नगदी, ट्रफी,मेडल र प्रमाण पत्र प्राप्त गरेको थियो । त्यसैगरी यसै खेलमा उत्कृष्ट गोल रक्षक, उत्कृष्ट डिफेन्डर, उत्कृष्ट मिड फिल्डर, उत्कृष्ट फर्वाड, हाइ स्कोरर र रेफ्रीलाई ट्रफि, मेडल र प्रमाण पत्रले सम्मान गरेको थियो ।
कार्यक्रम संयोजक नबराज पराजुलीको अध्यक्षतामा सम्पन्न भएको खेलमा प्रमुख अतिथिको आतिथ्यतामा एनआरएनए कुवेतका अध्यक्ष रणध्वज लामा थिए । विशेष अतिथिमा अलमुल्ला एक्सचेन्ज कुबेतको प्रतिनिधी र गैरआवासीय नेपाली संघका आईसिसि सदस्य हरि लावति/ माधव पौडेल थिए भने कुबेतमा कृयाशिल नेपाली संघ संस्थाका पदाधिकारी, पत्रकारहरुको उपस्थिति रहेको थियो।
खेललाई आकर्षित बनाउन सेमिफाईनल खेल सम्पन्न भए पश्चात पुराना तथा अनुभवी खेलाडीहरुको २ टिम बनाई खेलाईएको थियो भने कार्यक्रमलाई एनआरएनए एनसिसि कुवैतका प्रवक्ता केशर घलान तामाङले सञ्चालन गरेका थिए। अलमुल्ला एक्सचेन्जले केही उपहार पनि प्रदान गरेको थियो ।
