आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
नक्कली सवारी चालक अनुमतिपत्र (लाइसेन्स) बनाउने समूहलाई नेपाल प्रहरीले पक्राउ गरेको छ ।
उपत्यकामा केही व्यक्तिहरुले लिखत किर्ते गरी नक्कली स्मार्ट सवारी चालक अनुमती पत्र बनाई प्रयोग गर्दै आईरहेको भन्ने गोप्य सूचनाको आधारमा प्रहरीले उक्त कार्यमा संलग्न रहेको आरोपमा तीनजनालाई पक्राउ गरेको हो ।
पक्राउ पर्नेमा पोखरा महानगर-१ कास्की घर भई हाल नखीपोट बस्ने ३४ वर्षीया कञ्चन गुरूङ, लिखु गाउँपालिका-४ नुवाकवट घर भई हाल टोखा बस्ने ३८ वर्षीय अनिल राई र लिखु गाउँपालिका-४, नुवाकोट घर भई हाल तारकेश्वर बस्दै आएका ३६ वर्षीय राजन तामाङ रहेका छन् ।
काठमाडौं उपत्यका अपराध अनुसन्धान कार्यालयको टोलीले गुरूङलाई रामशाहपथ, राईलाई सामाखुसी र तामाङलाई बालाजु पेयाँटारबाट पक्राउ गरेको हो ।
पक्राउ परेकाहरूलाई लिखत सम्बन्धी कसुरमा आवश्यक कारवाहीको लागि प्रहरी परिसर टेकु पठाइएको बताइएको छ ।
