- ट्रेण्डिङ :
कुवेत - गोर्खा स्पोर्टिङ क्लवको आयोजनामा 'अल मुजैनी कप' अन्तर नेपाली भलिबल प्रतियोगिता २४ फेब्रुअरीमा हुने भएको छ ।
कुवेतको राष्ट्रिय दिवस र लेबरेसन डेको अवसरमा गोर्खा स्पोर्टिङ क्लवले अन्तर नेपाली खुला 'अल मुजैनी कप' भलिबल प्रतियोगिता आयोजना गरिएको आयोजकले जनाएको छ । आगामी शुक्रबार महाबुल्ला स्थित भलिबल प्राङ्गणमा सो प्रतियोगिता हुनेछ ।
अल मुजैनी एक्सचेन्जको प्रायोजनमा हुन लागेको भलिबल प्रतियोगिताबाट प्रथम हुने टिमले नगद २५०/- केडि , ट्रफी, मेडल र प्रमाणपत्र, द्वितीय हुने टिमले नगद १५०/- केडि , ट्रफी, मेडल र प्रमाणपत्र र तृतीय हुने टिमले नगद ७५/- केडि , ट्रफी, मेडल र प्रमाणपत्र हात पार्ने छन ।
उक्त भलिबल प्रतियोगितामा १२ टिमको सहभागिता रहने छ । आगामी शुक्रवार बिहान ७:३० बजेदेखी खेल सुरु हुनेछ। भलिबल प्रतियोगिताको सम्पूर्ण तयारी पूरा भएको आयोजकले जनाएको छ ।
कुवेतमा कृयाशिल सम्पूर्ण नेपाली सँघ संस्थाका प्रतिनिधि, पत्रकार, कलाकार, खेलाडी लगायत नेपाली दाजुभाई तथा दिदिबहिनीहरु उपस्थित भई खेलको मनोरञ्जन लिन आयोजकले अनुरोध गरेको छ ।
