आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
बिहीबार देशका विभिन्न जिल्लामा ४ जना मृत अवस्थामा फेला परेका छन् ।
नेपाल प्रहरीको दैनिक समाचार बुलेटिनअनुसार चितवन, काठमाडौँ, दार्चुला र कपिलवस्तुमा ४ जना मृत फेला परेका हुन् ।
बुलेटिनका अनुसार चितवनको माडी नगरपालिका–९ टमट्टा बस्ने ४७ वर्षीय शिवप्रसाद भण्डारी मृत फेला परेका छन् ।
उनी आफ्नै बारीमा मृत अवस्थामा फेला परेका हुन् । त्यस्तै काठमाडौँको नागार्जुन नगरपालिका–२ सानोभर्याङमा पनि एक पुरुष मृत अवस्थामा भेटिएका छन् । नागार्जुनको लाली गुरासटोल बस्ने ५५ वर्षीय प्रदीप सेरचन आफ्नै घरमा मृत फेला परेका हुन् ।
उता दार्चुलाको ब्यास गाउँपालिका–६ मा एक युवक मृत फेला परेका छन् । ब्यासको बडुघाटस्थित महाकाली नदी किनारमा ती युवक मृत फेला परेको प्रहरीको भनाई छ ।
मृत फेला परेका अन्दाजी ३० वर्षीय ती युवकको पहिचान भएको छैन । त्यस्तै कपिलवस्तुमा पनि एक ६० वर्षीय पुरुष मृत फेला परेका छन् ।
जिल्लाको यसोधरा गाउँपालिका–२ सोनवर्षीस्थित आँपको बगैचामा अन्दाजी ६० वर्षीय पुरुष मृत अवस्थामा फेला परेको प्रहरीको भनाई छ । मृत फेला परेका ती पुरुषको पनि नाम, थर र वतन पहिचान भैनसकेको प्रहरीले जनाएको छ ।
सबै घटनाका सम्बन्धमा प्रहरीले थप अनुसन्धान गरिरहेको बताएको छ ।
