आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
पाल्पाको तिनाउ गाउँपालिका–५ स्थित जोरधारामा आज (आइतबार) बिहान बस दुर्घटना हुँदा एक महिलाको मृत्यु भएको छ ।
बुटवलबाट पाल्पातर्फ आउँदै गरेको लु१ख ५९५६ नम्बरको बस सिद्धार्थ राजमार्गअन्तर्गत जोरधारा नजिकै दुर्घटना भएको हो ।
दुर्घटनामा परि घाइते १८ जना घाइते भएका छन् । जिल्ला प्रहरी कार्यालय पाल्पाका सूचना अधिकारी प्रहरी नायब उपरीक्षक वीरेन्द्र थापाका अनुसार दुर्घटनामा घाइते भएका १८ जनाको उद्धार गरिएको छ। घाइतेहरूको अवस्था गम्भीर रहेको डिएसपी थापाले बताए ।
बस भीरमा अड्किएको अवस्थामा छ। अन्य यात्रुको उद्धार भइरहेको छ । बसमा कति यात्रु सवार थिए भन्ने यकिन भइनसकेको उनले बताए ।
