- ट्रेण्डिङ :
एजेन्सी । कोरोना संक्रमणको विश्वब्यापी महामारीका कारण सबैको ध्यान केवल यसलाई निको पार्ने खोपमै अडिएको छ । तर सबैका लागि उपलब्ध भैसकेको छैन । यद्यपी निरास भैहाल्नुपर्ने अवस्था भने छैन ।
कंपनीले दावी गरे अनुसार यो खोप पहिलो खोप हो, जसको एक डोजले नै मानिसलाई कोरोना संक्रमणमुक्त गराउँछ । जबकी अन्य खोपहरु भने २ डोज लगाउनु पर्छ ।
जनसन एण्ड जनसन कंपनीको यो खोप सफल भए यसको वितरण पनि निकै सजिलो हुनेछ । किनकी यसलाई लामो समयसम्म राख्न विशेष फ्रिजरको सट्टा सामान्य फ्रिज पर्याप्त हुन्छ ।
यो खोपलाई सामान्य फ्रिजमा ३ महिनासम्म राख्न सकिन्छ । जबकी अन्य खोपहरुलाई फ्रोजोन वा अल्ट्रकोल्ड तापक्रममा राख्नु पर्छ । यो खोपको तेस्रो अर्थात अन्तिम चरणको परीक्षणमा ६० हजार मानिसहरु सहभागी भएका छन ।
अमेरिकाका २१५ स्थानमा यो खोपको अन्तिम परीक्षण चलिरहेको छ । अन्य मुलुकमा पनि परीक्षणको तयारी भैरहेको छ । यो खोपको पहिलो र दोस्रो चरणको परीक्षणको नतिजा राम्रो आएको थियो ।
अहिले जारी अन्तिम चरणको परीक्षणको नतिजा यस बर्षको अन्त्यसम्म प्राप्त हुने कंपनीले विश्वास लिएको छ । परीक्षण सफल भए अर्को बर्षदेखि खोपको उत्पादन सुरु गर्ने कंपनीले योजना बनाएको छ ।
