- ट्रेण्डिङ :
बरंजेलीहरुको महान चाड धुले मेलाको अवसरमा प्रथम बरंजा कप तथा सांस्कृतिक मेला जेठ २३ बाट सञ्चालन हुने भएको छ ।
म्याग्दी मंगला गाउपालिका-३, बंरजा आर्भाङमा प्रथम बरंजा कप तथा सांस्कृतिक व्यवस्थापन समिति र गतिशिल युवा क्लबको सह - आयोजनामा शिक्षा, स्वास्थ्य, खेलकुद र पर्यटन प्रवर्द्धन गर्ने उदेश्यले मेला आयोजना गरिएको आयोजकले बताएको छ । मेलामा पुरुष तथा महिला भलिवल प्रतियोगिता, सो-डान्स प्रतियोगिता, पुरुष तथा महिला लठो तान्ने प्रतियोगिता र अन्धा निसान प्रतियोगिता हुनेछ । साथै राष्ट्रिय तथा स्थानीय कलाकारको बेजोड सांगीतिक प्रस्तुति रहने आयोजकले जनाएको छ ।
पुरुष भलिवल प्रतियोगितामा प्रथम हुने टिमले ६० हजार, ट्रफी र प्रमाण र द्वितीय हुने टिमले नगद ३० हजार, ट्रफ्री र प्रमाण पत्र हात पार्ने छ । महिला भलिवल प्रतियोगितामा प्रथम हुने टिमले २० हजार , ट्रफ्री , प्रमाण पत्र र द्वितीय हुने टिमले १० हजार, ट्रफ्री र प्रमाण पत्र हात पार्ने छ। महिला भलिबलमा पाच टिम भन्दा कम टिमको सहभागिता भएमा खेलाईने छैन । सो - डान्स प्रतियोगितामा प्रथम, द्वितीय र तृतीय हुने लाई क्रमस १० हजार , ७ हजार , ४ हजार र प्रमाण पत्र पुरस्कार रहेको छ । त्यसैगरी पुरुष तथा महिला लठो तान्ने प्रतियोगिताको प्रथम पुरस्कार पाच हजार रहेको छ भने अन्धानिसान प्रतियोगिताको पुरस्कार २ हजार बराबरको भाले रहेको आयोजकले जनाएको छ ।
अहिले आयोजकले मेलाको तयारी गर्न छोटो समय भएता पनि आर्थिक ब्यबस्थापन तथा प्रायोजकहरु जुटाउने, प्रचार प्रसार तथा पत्राचार लाइ तिब्रता दिने कार्यमा लागि परेको छ । स्थानिय क्षेत्रमा आयोजना गरिएको सो प्रतियोगितामा विभिन्न संघ , संस्था र क्लबलाई सहभागिता जनाउन समेत आयोजकले अनुरोध गरेको छ । बिगतका वर्षहरमा बरंजेलीहरुको धुले मेला मा विविध खेलकुद तथा सांस्कृतिक कार्यक्रम मंगला गाउपालिका-४, थर्पुमा आयोजना हुने गरेको थियो ।
