आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
अनलाइनमार्फत जुवा खेलाएको आरोपमा हास्य कलाकार र युटुबरसहित ८ जना पक्राउ परेका छन् ।
सट्टेबाजी आारोपमा (बल्छी ध्रुव्रे) मरिचमान श्रेष्ठ,(म्याकुरी) पवन खतिवडा, (राजुमास्टर उर्फ) राजु पौडेल, युट्युबर अलिश राई, युट्युबर जलन घर्तीमगर (जल), गणेश देवकोटा (जिडी) र सरोज घिमिरे (ढेडो बुढो) र भटभटे माइला भन्ने बेगम नेपाली पक्राउ परेका हुन् ।
प्रहरीका अनुसार काठमाडौं उपत्यका अपराध अनुसन्धान कार्यालयको टोलीले उनीहरुलाई आज(बिहिबार) पक्राउ गरेको हो । उनीहरूलाई काठमाडौंको स्वयम्भूलगायतका ठाउँबाट नियन्त्रणमा लिइएको हो ।
पक्राउ परेका अन्य कलाकारका बारेमा भने प्रहरीले केही खुलाएको छैन। अनलाइन गतिविधिमार्फत सट्टेबाज (जुवा) खेल्न प्रयोगमा आएको ‘वान एक्स बेट’ मार्फत सट्टाबाजी गर्ने र क्रिप्टोकरेन्सीको कारोबार गर्ने पाँच जनालाई हिजो प्रहरीले पक्राउ गरेको थियो ।
प्रहरीका अनुसार यस घटनामा ७४ करोडभन्दा बढी कारोबार भएको देखिएको छ ।
