आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
चितवनको कालिखोलामा खसेको पहिरो पन्छाएसँगै नारायणगढ–मुग्लिन सडक सञ्चालनमा आएको छ ।
इच्छाकामना गाउँपालिका–४ स्थित कालिखोलामा बिहान ७ बजे पहिरो खसेको थियो । धेरै ठूलो नभएको उक्त पहिरो हटाइएसँगै अहिले दुवै तर्फका सवारी साधन सहज रूपमा गन्त्वयतर्फ लागेको इलाका प्रहरी कार्यालय मुग्लिनले जनाएको छ ।
चितवनमा पछिल्लो ३ घण्टादेखि भारी वर्षा भइरहेको छ । लगातारको भारी वर्षासँगै उक्त सडकखण्ड अवरुद्ध हुने क्रम बढेको छ । यसअघि गत असारमा पनि उक्त सडकखण्डमा पटक–पटक पहिरो गएर अवरुद्ध भएको थियो ।
पानी पर्ने बित्तिकै सडक अवरुद्ध हुने समस्यालाई ख्याल गर्दै सकेसम्म यो सडकखण्डको प्रयोग नगर्न प्रहरीले अनुरोध गरेको छ ।
