आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
असार २ यता मनसुनजन्य विपदबाट ५० जनाको ज्यान गएको छ भने २५ बेपत्ता भएका छन् । राष्ट्रिय विपद् जोखिम न्यूनीकरण तथा व्यवस्थापन प्राधिकरणले सार्वजनिक गरेको विवरणअनुसार बाढीपहिरो तथा चट्याङबाट अहिलेसम्म ५० जनाको मृत्यु भएको हो ।
जसमा पहिरोमा परेर २४, चट्याङले १९ र बाढीले बगाएर सात जनाको ज्यान गएको छ भने चट्याङका कारण ४२, पहिरोबाट २३ र बाढीबाट पाँच जना घाइते भएको प्राधिकरणको विवरणमा उल्लेख छ ।
सबैभन्दा बढी बाढीबाट २० जना बेपत्ता भएका छन् । प्राधिकरणका प्रवक्ता ध्रुवबहादुर खड्काका अनुसार मनसुनजन्य विपद्का कारण साढे ९ अर्बभन्दा बढीको क्षति अनुमान गरिएको छ ।
उनका अनुसार बाढीपहिरोका कारण सडकमा ४० करोड बढीको क्षति र बाढीका कारण ४७० मेगावाटका ६१ जलविद्युत् आयोजनामा ९ अर्बको क्षति अनुमान गरिएको छ ।
