- ट्रेण्डिङ :
मयूरपाटी - राष्ट्रपति विद्यादेवी भण्डारीले भारतद्वारा अतिक्रमित लिम्पियाधुरा, लिपुलेक र कालापानी क्षेत्र समेटिएको नयाँ नक्सा र सोहीअनुसारको निशान छापसहितको संविधान संशोधन विधेयक प्रमाणीकरण गरेकी छन् ।
प्रतिनिधिसभाले उक्त विधेयक गत ३१ जेठमा सर्वसम्मतिले पारित गरेको थियो । विधेयकलाई राष्ट्रियसभाले बिहीबारै सर्वसम्मतिले पारित गरेको थियो । विधेयक प्रमाणीकरण भएसँगै लिम्पियाधुरा, लिपुलेक र कालापानीसहितको नेपालको राजनीतिक नक्साले वैधता पाएको छ ।
राष्ट्रिय सभाबाट पारित भई फेरि प्रतिनिधि सभामै गएको विधेयक प्रमाणीकरणका लागि सभामुख अग्नि सापकोटाले बिहीबार नै राष्ट्रपतिसमक्ष पेश गरेका थिए ।
Source : kathmandutoday
