शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
म्याग्दीको मालिका गाउँपालिका-७ बिमवाङमा एक वृद्दाको हत्या भएको छ । आज दिउँसो ढुङ्गाको छपनी प्रहार गरेर एक जना वृद्धाको हत्या र अन्य दुई जनालाई चिर्पटले हानेर घाइते बनाएका छन् ।
छप्पनी प्रहार गरेर मालिका-७ बिम तल्लोगाँउकी ७० वर्षीया मनिषा गर्बुजाको हत्या भएको जिल्ला प्रहरी कार्यालय म्याग्दीका प्रहरी नायव उपरीक्षक मदन कुँवरले बताउनु भयो । मृतक बृद्दाकि ७ वर्षीया नातिनी प्रियंका गर्बुजा र छिमेकी ६६ वर्षीया अमृता जुग्जाली घाइते भएका छन् ।
मनिषालाई छप्पनी प्रहार भएको देखेर बचाउन गएका प्रियंका र अमृतालाई चिर्पट प्रहार गरेर घाइते बनाई भागेका थिए । घाइते दुईजनालाइ दरवाङ प्राथमिक उपचार केन्द्रमा उपचार पश्चात् हेलिकप्टर मार्फत पोखराको मणिपाल शिक्षण अस्पताल लगिएको छ । प्रियंकाको अवस्था गम्भिर रहेको छ । एक जना शंकास्पद व्यक्तिलाई नियन्त्रणमा लिइएको छ ।
घटनाको विस्तृत अध्ययन र अनुसन्धानका क्रममा रहेकाले पक्राउ परेका व्यक्तिको नाम गोप्य राखिएको प्रनाउ कुँवरले बताउनुभयो ।
