- ट्रेण्डिङ :
कुवेत – “कल्याणकारी-मुजैनी कप भलिबल प्रतियोगिता २०२४” को उपाधि आयोजक टिमले हात पारेको छ ।
कुवेतस्थित माबुलाको खेल मैदानमा २६ जनवरी २०२४ का दिन भव्य रूपमा सम्पन्न भएको थियो । अल मुजैनी एक्सचेन्जको मुख्य प्रायोजनमा संचालित उक्त भलिबल प्रतियोगितामा जम्मा १३ टिमको सहभागिता रहेको थियो भने आयोजक कल्याणकारी टिम नै बिजेता बनेको थियो ।
भलिबल प्रतियोगिता संस्थाका अध्यक्ष सुवास श्रेष्ठको सभाध्यक्षता, गैर आवासीय नेपाली संघ राष्ट्रिय समन्वय परिषद कुवेतका अध्यक्ष रण ध्वज लामाको प्रमुख अातिथ्यता, अल मुजैनी एक्सचेन्ज कुवेतका एरिया मेनेजर नन्द कुमार Mr. Nanda Kumar, जन-सम्पर्क समिति कुवेतका सभापति राजेन्द्र बिरही, एनआरएनएका संरक्षक राजेन्द्र तामाङ, एनअारएनएका उपाध्यक्ष होमनाथ गिरिको विशेष अातिथ्यता तथा विभिन्न संघ संस्थाका पदाधिकारी, प्रतिनीधिहरूको अातिथ्यता तथा खेल मैदानको वरपर खचाखच भरिएका दर्शकहरूका माझ शुभारम्भ भएको थियो ।
कल्याणकारी विजेता बनेको उक्त भलिबल प्रतियोगितामा लुम्बिनी समाज भलिबल टिम उप-विजेता बनेको थियो भने लाफा कुवेत भलिबल तेश्रो बनेको थियो । विजेता, उप-विजेता तथा तेश्रो हुने टिमहरूलाइ क्रमशः २०१ केडि, १५१ केडि र ७६ केडि नगद पुरस्कार प्रदान गरिएको थियो भने चाैथो भएको फर्वानिया भलिबल टिमको टिम दर्ता शुल्क फिर्ता गरिएको थियो । प्रतियोगितामा कल्याणकारी भलिबल टिमका सरू मोदी उत्कृष्ट खेलाडी, लुम्बिनी भलिबल टिमका अचुत श्रेष्ठ उत्कृष्ट स्पाइकर, कल्याणकारीका नबिन भट्टराइ उत्कृष्ट ब्लकर घोषित भएका थिए ।
विजेता, उप-विजेता र तेश्रो हुने टिमहरू तथा उत्कृष्ट खेलाडीहरूलाइ ट्रफी, मेडल र प्रमाण पत्र प्रदान गरिएको उक्त भलिबल प्रतियोगितामा Al Muzaini को मार्केटिङ टिमबाट विशेष आकर्शक गिफ्ट ब्यागहरु, कर्पोरेट क्यालेन्डर विशेष दर्शकहरुलाइ उपहार स्वरुप प्रदान गरिएको थियो । कुपन भर्ने दर्शकहरुबिच राफल छनोटको आधारमा दुइजना बिजेताहरुलाइ प्रति बिजेता २५ केडिका दरले पुरस्कृत गरिएको थियो । यसपालीको कल्याणकारी -मुजैनी भलिबल प्रतियोगिताको उद्घाटन फरक ढङ्गबाट ५००० दर्शकको उपस्थितीमा फाइनल खेल सँगै भएको थियो ।
हजारौं दर्शकहरूका बिच खेलाइएको भलिबल खेलको सह प्रायोजकमा फ्रेन्डी मोबाइल कम्पनी र एलाइन्स नेपाल कार्गो प्रालि रहेका थिए ।
