- ट्रेण्डिङ :
मयूरपाटी - कोरोना भाइरस (कोभिड -१९) बाट नेपालमा पछिल्लो २४ घण्टामा थप ६७१ जनामा कोरोना संक्रमण पुष्टि भएको छ भने २ जनाको ज्यान गएको छ ।१९ जनाले कोरोना जितेर घर फर्केका छन ।
नेपालमा आज सम्ममा कोरोना संक्रमण हुनेको कुल संख्या ७,८४८ पुगेको छ भने अहिलेसम्म ७४ जिल्लामा कोरोनाभाइरस फैलिसकेको स्वास्थ्य तथा जनसंख्या मन्त्रालयको मिडिया ब्रिफिङमा जनाइएको छ । स्वास्थ्य तथा जनसंख्या मन्त्रालयका प्रवक्ता प्रा. डा. जागेश्वर गाैतमको अनुसार बुधबार अपरान्ह सम्म कुल ११८६ जना कोरोना संक्रमणबाट निको भएर घर फर्किएका छन।
कोरोना भाइरसका कारण कैलालीको गोदावरी ४ का ४६ वर्षीय पुरुष र कैलालीकै लम्किचुहा २ का ४३ वर्षिया महिलाको मृत्यु भएको छ भने अहिले सम्म कोरोना संक्रमणको कारण ज्यान जानेको संख्या २२ पुगेको छ ।
आजसम्म देशभरका २२ वटा ल्याबबाट पोलिमरेज चेन रियाक्सन भनिने पीसीआर विधिबाट देशभरि १,५५,५१८ परीक्षण भएको छ भने क्वारेन्टाइनमा १ लाख १६ हजार २ सय १५ जना रहेका छन् ।
