- ट्रेण्डिङ :
सिरहाको गोलबजारमा भुस्याहा कुकुरको टोकाइबाट ५ जना घाइते भएका छन्। गोलबजार नगरपालिका १२ बेतौनामा झुस्याहा कुकुरको टोकाइबाट ५० वर्षीय सुधराम मण्डल, ६० वर्षीय देविका राम, ४५ वर्षीय कपलेशरी देवी मण्डल, २३ वर्षीय विजय मण्डल र एक १६ वर्षिया बालिका, घाइते भएका हुन्।
गाउँ घर आँगनमै बसिरहेको अवस्थामा गत बिहीबार एउटै कुकुरले पाँच जनालाई पालैपाटो झम्टेर टोकेको स्थानीय रामदेव यादवले जानकारी दिए। उनका अनुसार घाइतेहरूको सिरहा सदरमुकामस्थित प्रादेशिक अस्पताल र जनकपुरमा उपचार भइरहेको छ।
भुस्याहा कुकुरहरुले चरनमा रहेका १० वटा बाख्रा र बाख्राका पाठा पाठीसमेत खाइदिएको स्थानीयले जानकारी दिए। कुकुरले प्रदीप मण्डल, नागेर मण्डलसहित व्यक्तिहरूको १० वटा बाख्रा मारेर खाएको बताए। कुकुरको आक्रमणपछि स्थानीय त्रसित भएका छन्।
