- ट्रेण्डिङ :
कुवेत- बागलुङ सेवा समाज कुवेतले भलिबल प्रतियोगिता आयोजना गर्ने भएको छ । समाजले आफ्नो वार्षिकोत्सवको अवसरमा भलिबल प्रतियोगिता आगामी ३ अक्टोबर २०२५, शुक्रबार बिहान ८:०० बजेदेखि महाबुल्ल बलक-१ स्थित खुला खेलमैदानमा आयोजना गर्न लागेको हो ।
भलिबल प्रतियोगितामा कुवेतभरका विभिन्न टिमहरूको सहभागिता रहनेछ । खेलमा भाग लिन प्रत्येक टिमले २० केडि दर्ता शुल्क बुझाउनु पर्नेछ। प्रतियोगितामा विजेतालाई आकर्षक नगद पुरस्कारसहित प्रमाणपत्र प्रदान गरिने आयोजकले जनाएको छ ।
त्यस्तै प्रतियोतामा पहिलो हुने टिमलाई २०१ केडि, प्रमाणपत्र, दोस्रो हुनेलाई १०१ केडि, प्रमाणपत्र र तेस्रो हुनेलाई ५१ केडि पुरस्कार दिइने छ । सस्थाले कुवेतमा रहेका नेपाली बीच मैत्रीपूर्ण सम्बन्ध साथै खेलाडीहरुको प्रतिभालाई प्रस्फुटन गर्दै प्रोत्साहन गर्ने उदेश्यले प्रतियोगिता आयोजना गर्न लागिएको जनाएको छ ।
