- ट्रेण्डिङ :
तेजिन श्रेष्ठ - सिर्जनशिल युवा क्लबले भलिबल प्रतियोगिता एवम् साँस्कृतिक कार्यक्रम आयोजना गर्ने भएको छ ।
म्याग्दी बेनपा- ५, पुलाचौरमा क्लबले माघे संक्रातिको अवसर पारेर भलिबल प्रतियोगिता एवम् साँस्कृतिक कार्यक्रम यही ३ माघ देखि ८ गते सम्म आयोजना गर्न लागेको हो ।
भलिबल प्रतियोगितामा U-20 र खुला पुरुष भलिबल टिमहरूको सहभागिता रहनेछ । खेलमा भाग लिन प्रत्येक टिमले u-20 (३०००) र पुरुष भलिबल (७०००) दर्ता शुल्क बुझाउनु पर्नेछ । प्रतियोगितामा विजेतालाई आकर्षक नगद पुरस्कारसहित प्रमाणपत्र प्रदान गरिने आयोजकले जनाएको छ ।
त्यस्तै प्रतियोतामा पहिलो हुने टिमलाई U - 20 तर्फ ३१,१११ र पुरुष भलिबल तर्फ ७१,१११प्रमाणपत्र, दोस्रो हुनेलाई U-20 तर्फ २१,१११, प्रमाणपत्र , पुरुष भलिबल तर्फ ४१, १११ पुरस्कार दिइने छ । साथै भलिबल लगायत सास्कृतिक कार्यक्रम , पुरुष लट्ठो , महिला लट्ठो , छेलो , अन्धनिसान खेलहरु पनि रहेको क्लबका कार्यक्रम संयोजक भुवन शर्माले जानकारी दिनु भएको छ ।
क्लबले खेलकुद प्रेमी बीच मैत्रीपूर्ण सम्बन्ध साथै खेलाडीहरुको प्रतिभालाई प्रस्फुटन गर्दै प्रोत्साहन गर्ने उदेश्यले प्रतियोगिता आयोजना गर्न लागिएको जनाएको छ ।
