शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
काठमाडौं - नेपाल सरकारले हालै मध्यपूर्वमा उत्पन्न तनाव र घटनाक्रमप्रति गम्भीर चिन्ता व्यक्त गरेको छ। परराष्ट्र मन्त्रालयले आइतबार एक विज्ञप्ति जारी गर्दै, त्यहाँको वस्तुस्थितिलाई नजिकबाट नियालिरहेको जनाएको छ । साथै सबै पक्षलाई संयमता अपनाउन आग्रह गरेको छ ।
विज्ञप्तिमा भनिएको छ “संयुक्त राष्ट्रसंघको बडापत्र र अन्तर्राष्ट्रिय कानुनअनुरूप सबै राष्ट्रको सार्वभौमसत्ता र भौगोलिक अखण्डताको सम्मान गरिनुपर्छ भन्नेमा नेपाल जोड दिन्छ ।" मन्त्रालयले जनताको सुरक्षा प्राथमिकता भएको कुरा स्पष्ट गर्दै, विभिन्न विवाद र मतभेदलाई कूटनीति र संवादको माध्यमबाट समाधान गर्नुपर्नेमा जोड दिएको छ।
विश्वभर शान्ति र सुरक्षा कायम गर्नका लागि सबै राष्ट्रले आफ्नो दायित्व निर्वाह गर्नुपर्छ । साथै, नेपालले नियममा आधारित अन्तर्राष्ट्रिय व्यवस्थाको पालना हुनुपर्ने र अन्तर्राष्ट्रिय शान्ति तथा सुरक्षा कायम गर्ने दायित्वलाई सबैले निर्वाह गर्नुपर्ने आफ्नो धारणा सार्वजनिक गरेको छ।
नेपालले विश्व समुदायसँग एकताबद्ध भएर यथासक्य चाँडो तनाव समाधानको प्रयास गर्नुपर्ने कुरामा थप जोड दिएको छ ।
