- ट्रेण्डिङ :
काठमाडौं - इरानले होर्मुज क्षेत्रबाट एक जना नेपालीलाई पक्राउ गरेको छ ।
होर्मुज क्षेत्रबाट एक नेपाली पक्राउ परेको परराष्ट्र मन्त्रालयले आज पत्रकार सम्मेलनमा जानकारी दिएको हो । पक्राउ परेका व्यक्ति अमृत झा रहेको बताइएको छ ।
परराष्ट्रको पश्चिम एसिया महाशाखाका प्रमुख रामकाजी खड्काले होर्मुज क्षेत्रबाट इरानले एक जना नेपालीलाई पक्राउ गरेको बताएका हुन् । इरानले होर्मुज क्षेत्रमा पानी जहाजमा काम गर्ने क्रममा नेपाली सहित जहाजका सबै क्रु मेम्बरलाई नियन्त्रणमा लिएको थियो ।
अमेरिका, इजरायल र इरानबीच लामो समयदेखि तनाब उत्पन्न भईरहेको छ । इरानले होर्मुज क्षेत्रबाट पानी जहाज आवतजावत बन्द गराएको छ । सोही क्रममा उनी पनि पक्राउ परेका हुन् । पक्राउ परेको विषयमा आफन्तहरूले परराष्ट्रलाई जानकारी गराएका थिए।
इरानले मध्यपूर्वका देशमा रहेका अमेरिकन बेस क्याम्पलाई लक्षित गरि ड्रोन र मिसाइल आक्रमण गर्दै आएको छ ।
