- ट्रेण्डिङ :
मौसम पूर्वानुमान महाशाखाका अनुसारअनुसार मंगलबार देशका प्रमुख क्षेत्रहरूमा मेघगर्जन र चट्याङसहित वर्षा हुने देखिएको छ। पूर्वानुमानअनुसार आज दिउँसो धनगढी, वीरेन्द्रनगर, नेपालगञ्ज, पोखरा, काठमाडौँ, ओखलढुङ्गा, जिरी र ताप्लेजुङमा वर्षा हुने सम्भावना ६० प्रतिशत छ।
यी सहरहरूका साथै डडेल्धुरा, दिपायल, जुम्ला, घोराही, धनकुटा, विराटनगर र धरानमा मेघगर्जन र चट्याङ्गसहित मध्यम वर्षा हुनेछ। भैरहवा, सिमरा, जोमसोम र जनकपुरमा भने दिउँसो हल्का वर्षा मात्र हुने पूर्वानुमान गरिएको छ।
तापक्रमतर्फ आज दिउँसो धनगढी र नेपालगञ्जमा सबैभन्दा बढी ३५ देखि ३७ डिग्री सेल्सियससम्म तापक्रम पुग्ने अनुमान छ। जोमसोममा सबैभन्दा कम २३ देखि २५ डिग्री सेल्सियस तापक्रम रहनेछ। देशको संघीय राजधानी काठमाडौँको अधिकतम तापक्रम २८ देखि ३० डिग्री सेल्सियस रहनेछ।
आज रातिको मौसम पनि दिउँसोको जस्तै बदली रहनेछ। रातिको समयमा पोखरा, काठमाडौँ, विराटनगर र ताप्लेजुङमा मेघगर्जन र चट्याङ्गसहित मध्यम वर्षा हुने सम्भावना ६० प्रतिशत छ। अन्य सहरहरूमा वर्षाको सम्भावना ४० प्रतिशत मात्र रहेको छ।
राति जोमसोम र जिरीमा हल्का वर्षा हुनेछ भने बाँकी सबै सहरमा मध्यम वर्षा हुने पूर्वानुमान छ। रातिको न्यूनतम तापक्रम जोमसोममा सबैभन्दा कम १४ देखि १६ डिग्री सेल्सियस रहनेछ। भैरहवा र जनकपुरमा रातिको न्यूनतम तापक्रम सबैभन्दा बढी २८ देखि ३० डिग्री सेल्सियस रहनेछ।
काठमाडौँको न्यूनतम तापक्रम राति २० देखि २२ डिग्री सेल्सियससम्म झर्नेछ।
