शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
काठमाडौंको त्रिवि शिक्षण अस्पताल महाराजगञ्जमा कोरोना संक्रमित ३ जनाको मृत्यु भएको छ । अस्पतालमा २ जना महिलातथा १ जना पुरुषको मृत्यु भएको अस्पतालका डा. सविन थपलियाले जानकारी दिए ।
डा. थपलियाकाअनुसार २ जना महिला पहिलेदेखि नै शिक्षण अस्पतालमा उपचार गराइरहेका थिए । अर्का पुरुष बिरामी अस्पताल ल्याउँदा ल्याउँदै मृत्यु भइसकेको थियो ।
मृतक महिलामध्ये एकजना काठमाडौंको तारकेश्वर नगरपालिकाकी हुन् । २३ वर्षीय उनी लामो समयदेखि कलेजोको समस्याले ग्रसित भएको डा. थपलियाले बताए ।
यस्तै गोरखाकी ४० वर्षीय महिला किड्नीको डायलासिस गराइरहेकी थिइन् । उनको पनि कोरोना संक्रमणपछि मृत्यु भएको हो ।
यस्तै धादिङका ४५ वर्षीय पुरुषको भने अस्पताल ल्याउँदै गर्दा बाटोमा नै मृत्यु भएको उनले बताए । उनले मृतक पुरुषको निमोनियाको कारण मृत्यु भएको बताए ।
