म्याग्दी ध १ ज ८९६ नम्बरको जीप रघुगंगा गाउँपलिका ६ ठाडाखानी बाट सदरमुकाम बेनी आउदै गर्दा बेनी गलेस्वर सडक खण्डमा दुर्घटना हुँदा १ जनाको मृत्यु भएको छ । ३ जनाको अवस्था गम्भीर भएको म्याग्दी जिल्ला प्रहरी कार्यलयले जनाएको छ । स्रोतका अनुसार गम्भीर ३ जनालाई थप उपचारको लागि पोखरा लगिएको छ ।
मृत्यु हुनेमा अन्नपूर्ण गाउपालिका वडा नं २ कि १० वर्षीय बालिका रीया बिक रहेकी छिन् । उनी मामाघर टीका लगाएर फर्कंदै थिईन । साँघुरो सडकमा घुम्तिमा गाडी मोड्न नसकिएको कारण दुर्घटना भएको प्रहरीको अनुमान छ ।
जीपमा सवार चालक सहित ११ जना मध्य सिकिस्त ३ जना ( ३० वर्षीय नन्दलाल छन्त्याल, ४२ वर्षीय दलप्रसाद गौचन र ८ वर्षीय दिक्ष्या सेर्पुजा) लाई थप उपचारको लागि पोखरा लगिएको हो । चालक सहित ७ जनाको जिल्ला अस्पताल म्याग्दी बेनीमा उपचार भैरहेको छ ।
