शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
भारतमा गैरकानुनीरुपमा बसेको भन्दै एक नेपाली महिलालाई गिरफ्तार गरिएको छ । भारतको पुनेस्थित कलेज अफ मिलिटरी इन्जिनियरिङको हाताभित्र गैरकानुनी रुपमा बसेको भन्दै ती नेपाली महिलालाई पुलिसले गिरफ्तार गरेको भारतीय सञ्चारमाध्यमले जनाएका छन् ।
नवलपरासी स्थायी ठेगाना भएकी २६ वर्षीया महिलालाई एक आर्मी अफिसरको निवासमा बसेको भन्दै अनुसन्धान सुरु गरिएको भारतीय सञ्चारमाध्यमले जनाएका छन् । ती महिलाले मार्च २३ मा पर्खाल नाघेर बसेको बयान पुलिसलाई दिएकी छन् ।
आर्मी अफिसर र महिलाबीच परिसर बाहिर भेट भएको अनुसन्धानमा खुलेको छ । महिलालाई मंगलबार अदालतमा पेश गरिएको छ । आर्मी अफिसरको संलग्नताका विषयमा पनि अनुसन्धान सुरु भएको भारतीय सञ्चारमाध्यमले जनाएका छन् ।
