शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
कोरोना भाइरसको संक्रमणबाट १६ वर्षीय किशोरको मृत्यु भएको छ । रुपन्देहीको तिलोत्तमा नगरपालिका वडा नम्बर ३ का १६ वर्षीय किशोरको भैरहवास्थित युनिभर्सल कलेज अफ मेडिकल साइन्सेजमा उपचारका क्रममा एक दिनअघि मृत्यु भएको हो ।
जिल्ला स्वास्थ्य कार्यालय रुपन्देहीका अनुसार शुक्रबारमात्रै ती किशोरमा कोरोना भाइरसको संक्रमण पुष्टि भएको थियो । केहीदिनदेखि ज्वरो आएपछि ती किशोरले स्थानीय मेडिकलमा स्वास्थ्य परीक्षण गरेका थिए । सुरुमा टाइफाइडको आशंका गरेर औषधि दिइएको थियो ।
औषधि खाएर पनि निको नभएपछि पिसिआर टेष्ट गर्दा शुक्रबार ती किशोरमा कोरोना पुष्टि भएको थियो । कोरोना पुष्टिपछि अस्पतालमा उपचारका लागि भर्ना गरिए पनि शनिबार राति एक्कासी स्वास्थ्यमा थप जटिलता भएर मृत्यु भएको अस्पतालले जनाएको छ । उनमा कुनै पनि दीर्घरोग नभएको आफन्तले बताएका छन् ।
