- ट्रेण्डिङ :
एजेन्सी । अमेरिकी अंतरिक्ष एजेन्सी नासाका अनुसार विशाल उल्का पिण्ड पृथ्वी तर्फ अघि बढिरहेको छ ।यो पिण्डको आकार विश्वकै सबैभन्दा अग्लो भवन दुबइको बुर्ज खलिफा जत्रो छ ।यो उल्का पिंड मिसाइलको गतिभन्दा पनि तिब्र रुपमा पृथ्वी तर्फ अघि बढिरहेको छ ।
हाल यसको गति ९० हजार किलोमिटर प्रतिघण्टा रहेको छ ।मिसाइलको गति सामान्यतया ४ हजार किलोमिटर प्रति घण्टा हुनेगर्छ ।नासाले जनाए अनुसार २९ नोभेम्बर अर्थात आइतबार (आज) राती उक्त उल्का पिण्ड पृथ्वीको नजिक आइपुग्ने छ ।
यो उल्का पिण्डमाथी धेरै समयअघि देखि नजर राखेको नासाले जनाएको छ ।यो उल्का पिण्डलाई 2000 WO 107 नाम दिइएको छ ।यसको उचाई ८२० मिटर छ भने बुर्ज खलिफाको उचाई ८२९ मिटर रहेको छ ।पृथ्वीको निकै नजिक आउने भनिएको यो उल्का पिण्ड पृथ्वीसंग ठोक्किने सम्भावना नभएको नासाका वैज्ञानिकहरुलाई उद्धृत गर्दै द सनले जनाएको छ ।
