जापानमा कार दुर्घटना परी नेपाली युवाको निधन,दुईजना घाइते

आश बहादुर गुरुङ्ग

मंसिर २२, २०७७ सोमवार • ०९:३८:१७ बजे

1.3K

जापानमा कार दुर्घटना परी नेपाली युवाको निधन,दुईजना घाइते

जापानमा कार दुर्घटना परी एक नेपाली युवाको निधन भएको छ ।आफैंले चलाएको कार होक्काइदोको कितामी सहरमा दुर्घटना हुँदा सिन्धुपाल्चोक जिल्ला घर भएका वीरेन्द्र तमाङको निधन भएको हो ।

कार दुर्घटनमा अन्य दुईजना घाइते भएका छन् । घाइते दुवै जना नेपालीहरु भएको र उनीहरुको अवस्था खतरामुक्त रहेको बताइएको छ । कारमा घिमिरे थरकी एक नेपाली महिला र विनोद विष्ट सवार रहेका थिए ।

कार दुर्घटनामा परी निधन भएका तामागंले गत बर्ष नेपाल गएर विवाह गरेर आएका थिए । हाल एक्लै जापानमा रहँदै आएका तमाङले केही समयअघि मात्र कार किनेका थिए भने गत वर्ष विद्यार्थीबाट वर्किङमा भिसा परिवर्तन गराएका थिए ।

कार दुर्घटनामा परी गम्भीर घाइते भएका तामाङलाई अस्पताल लगिए पनि उपचारको क्रममा दुईघण्टापछि अस्पतालले मृत घोषणा गरेको थियो ।निधन भएका तमाङ नाकासिबेचु चो योरोसिमा कार्यरत रहेका थिए ।
प्रहरीका अनुसार तीनै जना आसाहिकावाबाट नाकासिबेचुतर्फ जाँदै थिए ।डिसेम्बर ३ तारिख दिउँसो करिब ३ बजेर ३० मिनेटको समयमा भएको थियो । कार सडक किनार देब्रेपट्टिको सडक चिन्हमा ठोक्किएर दुर्घटनामा परेको प्रहरीले जानकारी गराएको छ ।

दुर्घटनाको सम्बन्धमा आवश्यक सोधपुछ तथा अनुसन्धान गरिरहेको प्रहरीले जनाएको छ ।