- ट्रेण्डिङ :
उमेश बिष्ट (उज्ज्वल) - वास्तवमा कम्युनिस्ट भन्ने बितिकै क्रान्तिकारी र परिवर्तनकारीहरू भनेर बुझिन्छ । तर अहिलेको समयमा क्रान्तिकारी हुँ भन्नेहरूको आचरण, जीवनशैली र उनिहरूको उठबस् हेर्दा कतै हामी क्रान्तिकारीहरूको नाममा लतपतिएर सामन्ती र पुजीवादीहरूको जीवनयापन त जिएका छैनौं । साच्चै क्रान्तिकारीहरू आफैमा निडर हुनुपर्ने हो । तर अहिलेको समयमा देखिदै गएको क्रान्तिकारीता यहाँ बयान गरेर साध्य छैन् ।
क्रान्तिकारी हुँ भन्छन् तर सामन्ती सोचमै रूमलिरहेको अथवा एउटाको दास बनिरहेको देखिन्छ । तर क्रान्तिकारी भन्ने बितिकै गलतको खरो खण्डन र सहीको बढो हार्दिकता पुर्वक स्वागत गर्नेलाई नै असली क्रान्तिकारी भनेर बुझिन्छ । तर अहिलेको यो समया क्रान्तिकारीको नाम बेचिरहने भजाई रहने तर उसको हरेक गतिविधि एउटा ब्यक्तिमा दास वा लम्पसार बनी रहनेहरूले गर्दा साच्चै क्रान्तिकारी नाम मै दाग लागिरहेको छ भन्ने अनुभुती मज्जाले गर्न सकिन्छ ।
क्रान्तिकारी त्यो हो जो म जस्तै तपार्इहरु पनि एक्लै किन नहोस् गलतको भण्डाफोर गर्नु पर्छ । आलोचना त सबैले गर्छ, जनतामा सूचित गर्छ, यदि उ कसैको दास बन्दैन, कसैले छेक्दा छेकिन्न, रोक्दा रोकिन्न र सधै अन्यायको विरुद्ध आफ्ना रचनात्मक बिभिन्र माध्यम बाट आफ्ना विचारहरू सार्वजनिक गर्छन् सूचित गर्छन् भने त्यो चाहिँ क्रान्तिकारीता हो ।
तर अहिलेको समयमा क्रान्तिकारीताको नाममा ब्यक्तिवादी लम्पसारवादी र त जा भने जाने नजा भने नजाने खालका कथा कथित क्रान्तिकारी हुँ भन्नेहरूले गर्दा साच्चै क्रान्तिकारी नाममा दखल मात्र हैन दाग लाग्ने सम्भावना बढेर आएको प्रष्ट देख्दछु ।
क्रान्तिकारी भनेको एक बहादुर नै हो । उ एक्लै हुँदा पनि निश्चित रूपमा आफ्ना कुराहरू निर्धक्क राख्न सक्नेलाई खास क्रान्तिकारी भनिन्छ । क्रान्तिकारीहरू न बिक्न सक्छन् न बिक्छन् पनि न अरूको एक गाँस खाएको भरमा उसको गुनगान गाउछन् न धम्काउदा वा ब्यक्तिले रोक्दा ती क्रान्तिकारीहरू रोकिन्छन् । तर अहिलेको समयमा क्रान्तिकारी हुँ भन्नेहरू साच्चै दासी मानसिकताबाट चलिरहेको देख्दा साच्चै क्रान्तिकारी भनिने शब्द मै ठेस पुग्ने सम्भावना प्रष्ट सँग देख्न सकिन्छ ।
त्यसैले क्रान्तिकारी यति तपाईं हो भन्ने साच्चै क्रान्तिकारीता पथमा हिड्न आवश्यक छ । क्रान्तिकारीता नाम त्यतिकै लेखिएको हुदै होइन । यसलाई गहिरो ढंगले बुझ्दा अन्यको दासी र सामन्ती सोच त्यागेर अगाडि बढ्यो भन्ने मात्र तपाईंमा भएको म मा भएको क्रान्तिकारीताले सार्थकता पाउला नत्र तपाईंको क्रान्तिकारीता एक दिन खोस्टा जस्तो हुने निश्चय छ, त्यसैले क्रान्तिकारी हुँ भन्ने महोदयहरू ख्याल गर्नु अति अवश्यक छ ।
लेखक - राष्ट्रिय युवा संघ नेपाल बझाङका सदस्य हुनुहुन्छ ।
