- ट्रेण्डिङ :
संघीय संसद सचिवालयले प्रधानमन्त्री केपी शर्मा ओली विरुद्धको अविश्वासको प्रस्ताव प्रतिनिधि सभामा आइतबार दिउँसो साढे ३ बजे मात्रै दर्ता भएको बताएको छ । यसअघि दर्ता समयको विषयमा विवाद देखिएको भन्दै सचिवालयले आइतबार दिउँसो ३ः३० बजे प्रस्ताव दर्ता भएको प्रष्ट पारेको छ ।
यसअघि संसदमा बिहान १० बजेर ५० मिनेटमानै संसदमा प्रधानमन्त्रीविरुद्ध अविश्वासको प्रस्ताव दर्ता भएको भन्दै विभिन्न मिडियामा समाचारहरु आएको र त्यसको सम्बन्धमा स्पष्ट पार्नका लागि संसद सचिवालयका प्रवक्ता डा. रोजनाथ पाण्डेले विज्ञप्ति जारी गरेका हुन् ।
उनले विज्ञप्तिमा संसदमा ३ बजेर ३० मिनेटमा मात्रै सबै प्रक्रिया पूरा गरेर कार्य व्यवस्था शाखामा दर्ता भएको प्रष्ट पारेका छन् ।
