बादल शाही /धौलागिरी गाउपालिका ७ ताकम म्याग्दीमा जातीय छुवाछूतको घटना घटेको छ ।सरकारले ल्याएको अस्पताल प्याकेज अनुसार ताकममा अस्पतालको शिलान्यास कार्यक्रममा जातीय छुवाछूतको घटना घटेको हो । जिल्लाका प्रतिष्ठित नेता, कार्यकर्ता तथा स्थानीयहरुको उपस्थिति रहेको आम भेला सार्वजनिक भेलामा नै जातीय छुवाछूत गरिएको हो ।
एकीकृत घना वस्ती र सबै जातजाति रहेको उक्त ताकममा अस्पतालको शिलान्यास कार्यक्रम गाउँका दलित तथा गैर दलित सबैको साझा उपस्थितिमा सम्पन्न भएको थियो । भोजभतेर, बाजागाजा र नाचगानका साथ सम्पन्न उक्त कार्यक्रममा दलित तथा गैर दलितहरुको लागि छुट्टाछुट्टै भतेर सन्चालन भएको र अलगअलग खान परेपछि छुवाछूतको पराकाष्ठा प्रत्यक्ष भोग्न परेको कुरा स्थानीय कुशल रसाइलीले आफ्नो गुनासो सामाजिक सन्जालमा लेखेका छन् ।
जिल्लाका प्रतिष्ठित नेता तथा साँसदहरु भुपेन्द्र थापा, समन्वय समितिका प्रमुख देवेन्द्र कटुवाल, गाउँ पालिका उपाध्यक्ष रेशम छन्त्याल लगायतका नेताहरुको उपस्थिति रहेको कार्यक्रममा जातीय छुवाछूतको यस्तो घटना घट्नु लज्जास्पद घटना हो । एक्काइसौं सताब्दिको यो युगमा पनि छुवाछूत जन्य घटनाहरु दिनानुदिन बढ्नु मान्छेमा चेतनाको अभाव नै हो । राज्यले आतीय छुवाछूत जन्य व्यवहार गर्नेलाई सजायको ब्यवस्था त गरेको छ नै, तर सर्वमान्य हुने गरि यसरी गरिने छुवाछूतमा राज्यले कस्तो ब्यबस्था गरेको छ ? यो भने गम्भीर र सोंचनीय विषय बनेको छ ।
