बादल शाही - नेपाल खेलकुद पत्रकार मण्चले आयोजना गर्ने NSJF पल्सर स्पोर्ट्स अवार्ड २०७६ अन्तर्गत पिपल्स च्वाइस विधा तर्फ राष्ट्रिय महिला भलिवल टोलीकी टीम कप्तान अरुणा शाहीले जितेकी छिन् । मनोनयनमा परेपछि जिल्ला भलिवल संघ म्याग्दीले म्याग्देली चेली अरुणा शाही जिताऊँ अभियान नै सन्चालन गरेपछि बाजि शाहीको पोल्टामा परेको हो ।
म्याग्दीको बेनीमा खेलप्रेमी तथा खेलाडीहरुको सहकार्यमा भोटिङ सहयोग अभियान सुरु गरि विभिन्न स्कुल तथा कलेजहरुमा भोटिङ अभियान नै सन्चालन गरिएको थियो, जसको नेतृत्व खेलाडी तेजेन्द्र बानियाँले गर्नु भएको थियो । अरुणाको जित म्याग्दीको जीत हो । यो जितको लागि म्याग्देलीहरुले आफ्नो एकताको राम्रो पहिचान र प्रस्तुति दिएकोमा खेलाडी तथा खेल प्रशिक्षक तेजेन्द्र बानियाँले खुशी व्यक्त गर्नु भयो । मयुरपाटीसँग कुरा गर्दै उनले थपे जिल्ला भलिबल संघ म्याग्दीको यो अभियानलाई सफल पार्न भोट दिनु भएका सबै म्याग्देलीहरुलाई धन्यवाद समेत व्यक्त गर्नु भयो ।
अहिले सामाजिक सन्जालमा भलिबल खेलाडी अरुणा शाहीलाई बधाई दिनेको होडबाजी नै चलेको छ । यस अघि म्याग्दीकी अर्की चेली सपना रोकाले पनि बिस्वको १०० शक्तिशाली महिलाको सुचीमा आफुलाई पार्न सफल भए पछि म्याग्दीलाई बिस्वले चिनेको थियो । अहिले फेरि म्याग्दीको नाम अगाडी आएकोमा म्याग्दी जिल्ला भलिबल संघका अध्यक्ष रमेश श्रेष्ठले मयुरपाटीसँग कुरा गर्दै खुशी व्यक्त गर्नु भएको छ ।शाहीले यस अघि पनि १२ औं दक्षिण एसियाली खेलकुदमा कास्यपदक, १३ औं एसियाली खेलकुद प्रतियोगितामा (अरुणाको )कप्तानीमा रजत पदक र बंगलादेशमा भएको सिनियर सेन्ट्रल जोन प्रतियोगितामा नेपाललाई स्वर्ण पदक जिताउन सफल भएकी थिईन ।
