- ट्रेण्डिङ :
रामचन्द्र तिम्सिना
(आवाज)
बिरोध गर्न जति सजिलो समर्थन गर्न हुँदैन ।
समर्थनमा जति औचित्यता र सान्दर्भिकता प्रस्ट्याउनु पर्ने बाध्यता हुन्छ बिरोधमा त्यस्तो हुँदैन ।
त्यसैले त नेपालमा हिजोआज बिरोध सभा र बिरोध र्याली धेरै फस्टाउने गर्दैछ।
जिन्दावाद र मुर्दावाद एक सामान्य प्रक्रिया नै भएपनी।बिरोध सभा र र्यालिमा जनसमर्थन धेरै उर्लिने गर्छ किनकी सबैलाई राम्रोसंग थाहा छ बिरोध गर्न सजिलो हुन्छ।
चित्त सबैको बुझाउन कहाँ सक्छन् र साथी ?
त्यसैले त हिजो जिन्दावाद भन्नेहरुले पनि आज मुर्दावाद भन्छन् ।
बिरोधका लागि कुनै निर्दिष्ट नियम र बन्देज हुँदैन।
जस्तै उदाहरणका लागि "भ्रस्टाचारको विरुद्धमा कांग्रेस सडकमा आउनु"...के कांग्रेसको पालामा भ्रष्टाचार भएकै थिएन वा भ्रष्टाचार गर्ने ब्यक्ति नै छैनन् ?
यो प्रश्नको उत्तर त्यो बिरोध सभामा मुर्दावाद भन्नेहरुले दिन सक्दैनन् किन थाहा छ ?
किनकि उनिहरुलाई बिरोधका लागि मात्र ल्याईएका हुन।
अर्को उदाहरण ---
"प्रतिगमनका विरुद्ध सडक संघर्ष"---
नेकपा कै एक क्रान्तिकारी समुह संसद विघटनको विरुद्धमा छन् ।
के नेकपाको साम्यवादी लक्ष्यमा संसदवादमा जानुपर्छ भन्ने लेखिएको छ र ?
जवाफ कसैले दिदैनन किनकि उनिहरुलाई त्यहाँ बिरोधका लागि मात्र पढाईएको हुन्छ।
अर्को उदाहरण ---
"देउवा कांग्रेस पनि प्रतिगमनका विरुद्धमा"
बिर्सनु भएछ उहाँहरुले तर मैले बिर्सेको छैन २०५८ मंसिर ११ गते संकटकालमा लालमोहोर लगाएको होईन र ?
जवाफ छैन यहाँ
किनकी आफू सहि अरु गलत छन।
भ्रम तोडियोस प्रतिगमन सहि थियो भन्न खोजिएको होईन।
आज बिरोध गर्नेहरु हिजो सत्तासीन हुँदा राम्रा गरेका थिए र ?
त्यसको पनि व्याख्या होस।
हिजो जनजिविकाको सवालमा उल्लेख्य प्रगती गरेको थियो र ?
त्यसको पनि लेखाजोखा होस।
भ्रष्टाचार ,अनियमितता, ढिलासुस्ती, हत्याहिंसा र अपराध रोकिएको थियो र ?
त्यसको पनि चर्चा होस।
ओलि फालेर प्रचण्ड आउँदैमा
प्रचण्ड फालेर देउवा आउँदैमा कायापलट हुने होर ?
जवाफ दिईयोस।
उस्तै प्रवृत्तिका ब्यक्ती फालेर ब्यक्ती आउनका लागि बिरोध किन ?
व्यवस्था फेरिन लागेको होर ?
होईन भने बिरोधका लागि मात्र बिरोध किन ?
