- ट्रेण्डिङ :
मयूरपाटी - म्याग्दीमा खाडी मुलुक युएईबाट आएका थप एक जनामा कोरोना संक्रमणको पुष्टि भएको छ ।
म्याग्दी मालिका गाउँपालिका–३ रुम घर भएका ३० बर्षिय यूवामा शुक्रबार कोरोना पोजेटिभ देखिएको स्वास्थ्य कार्यालय म्याग्दीका प्रमुख एकनारायण लम्सालले बताएका छन । गत जेठ महिनाको २३ गते यूएईबाट आएका यूवा म्याग्दी बहुमुखरी क्याम्पसको क्वारेन्टिनमा राखिएको थियो ।
उनको गएको जेठ महिनाको ३० गते पिसिआर परीक्षणका लागि पठाएको थियो । टेकुस्थित राष्ट्रिय जनस्वास्थ्य प्रयोगशालामा परीक्षणको क्रममा पोजेटिभ देखिएको थियो । 'संक्रमितको अवस्था समान्य छ,‘उनलाई मध्यरातमै आइसोलेसन कक्षमा राखिसकिएको छ’ । कोरोना संक्रमित यूवाको ट्राभल हिस्ट्री लगायतका विवरण छिट्टै लिने तयारी भएको छ ।
यस भन्दा पहिले भारतबाट आएका तीनजनामा कोरोना पोजेटिभ देखिएको थियो । अहिले सम्ममा म्याग्दीमा कोरोना संक्रमतिको संख्या ४ पुगेको छ । भारतबाट आएका तीनजना जनामध्ये मालिका गाउँपालिका–४ ओखरबोटका ३१ बर्षिय यूवा र मंगला गाउँपालिका–४ बरंजाका १९ बर्षिय यूवाको पछिल्लो रिर्पोट नेगेटिभ आएको छ ।
