- ट्रेण्डिङ :
नुवाकोट जिल्ला तारकेश्वर गाउँपालिका अन्तर्गत सम्पूर्ण विद्यालय कर्मचारीहरुको खाइपाई आधार तलबको २० प्रतिशत कटाैती गरिएको छ । खाइपाई आएको रकममा नघट्ने अविलम्ब पुनः थप गर्न विद्यालयका कर्मचारीहरुले माग गरेका छन । यदी खाइपाई आएको रकममा नघट्ने अविलम्ब पुनः थप नभए सबै कार्य ठप्प गर्ने घोषणा समेता गरेका छन् ।
उक्त मागहरुलाई बेवास्ता गरेमा चरणबद्ध आन्दोलनका कार्याक्रमहरु अघि बढाउने र सम्पूर्ण लेखा तथा प्रशासनिक कार्य ठप्प गर्ने विज्ञप्ति मार्फत जानकारी गराएको छ । गाउँपालिका अन्तर्गत सम्पुर्ण विद्यालय कार्मचारीहरुले आ.व. २०७६/२०७७ को श्रावण महिना देखि खाइपाई आएको आधार तलब २० प्रतिशतले हुन आउने थप रकम यसै आ.व.२०७७/२०७८ को मङ्सिर देखि कट्टा गरिने २०७७/११/०९ गते बसेको तारकेश्वर गाउँपालिका स्तरीय प्रधानध्यापकको बैठकबाट जानकारी दिएका थिए ।
यस निर्णयले सम्पूर्ण कर्मचारीहरुको मुखको गाँस खोसेको र कुनै पनि कार्यलय तथा विद्यालयका काम चुस्त, दुरुस्त तथा तन्दुरुस्त राख्न त्यहाँका कर्मचारीहरुको मनोबल उच्च हुनु पर्ने तर गाउँपालिकाको उक्त निर्णयले सम्पूर्ण कर्मचारीहरुको मनोबल बढाउने नभई निराशा र अतोत्साही भएकाले गाउँपालिकाले गरेको निर्णय प्रती बिरोध तथा आपत्ति जनाएको छ ।
साथै विद्यालयका सबै कर्मचारीहरुले विद्यालयको लेखा अद्यावधिक गर्ने तथा दैनिक प्रशासनिक कार्य गर्ने मात्रै नभई विद्यालयमा आफ्नो विषय, क्षमता र अनुभवका आधारमा कक्षाहरु पनि अध्यापन गरि अन्य शिक्षक साथिहरु सरह विद्यालयमा बिताइ रहेको जानकारी समेत गराएका छन ।
