- ट्रेण्डिङ :
पोखरा - नेपाल त्रिदेशीय कप अन्तर्राष्ट्रिय फुटबलको फाइनलमा पुगेको छ । त्रिपुरेश्वरस्थित दशरथ रंगशालामा शनिबार भएको लिगको अन्तिम खेलमा बंगलादेशसँग गोलरहित बराबरी खेल्दै नेपाल फाइनलमा पुगेको हो ।
यसअघि बिहीबारको खेलमा नेपालले कीर्गिस्तानको २३ वर्ष मुनिको टिमसँग पनि गोलरहित बराबरी खेलेको थियो । नेपालले गोल गर्न नसके पनि महत्वपूर्ण एक एक अंक बटुल्दै तीन टिम बीचको भिडन्तमा दोस्रो स्थान हासिल गर्दै फाइनलमा पुगेको हो । उपाधि भिडन्त सोमबार हुँदैछ । उपाधिका लागि नेपाल र बंगलादेश भिड्दै छन् । बंगलादेश भने शीर्ष स्थानमा रहेर फाइनलमा पुगेको हो । बंगलादेशले २ खेलमा ४ अंक जोड्यो ।
बंगलादेशले पहिलो खेलमा कीर्गिस्तानलाई १–० ले हराएको थियो । कीर्गिस्तान भने १ अंक जोडेर प्रतियोगिताबाट बाहिरिएको थियो ।
