शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
पोखरा । हास्य अग्रज कलाकार मदनकृष्ण श्रेष्ठसहित उनको परिवारका पाँच जनालाई कोरोना भाइरस संक्रमण पुष्टि भएको छ ।
कलाकार श्रेष्ठले फेसबुक पेजमा स्टाटस लेख्दै आफू, छोरा, छोरी, बुहारी र नातिनी पाँचै जनालाई कोरोना संक्रमण भएको जानकारी गराएका हुन्। श्रेष्ठले संक्रमण भइसकेपछि निकै सास्ती हुने भएकाले खेलाची नगर्न र कोरोनाबाट सतर्क रहन अपिल पनि गरेका छन्।
‘म लगायत मेरा छोरा, छोरी बुहारी र नातिनी पाँचै जनालाई कोरोना पोजेटिभ देखिएको छ, भइसकेपछि सास्ती चाहिँ हुने रहेछ, त्यसैले यो भाइरसलाई खेलाची नगर्नुहोला, जति सकिन्छ कोरोनाबाट सतर्क रहनुहोला,’ श्रेष्ठले लेखेका छन्।
