शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
कास्कीका ७९ सहित गण्डकीमा थप १४३ जनामा कोरोना पुष्टि भएको छ । गण्डकी प्रदेश स्वास्थ्य निर्देशनालयका अनुसार कास्कीका ३५३ जनाको नमुना परीक्षण गर्दा ७९ जनाको रिपोर्ट कोरोना पोजेटिभ आएको हो ।
आज कास्कीमा कोरोना पुष्टि हुनेहरु मध्ये अन्नपूर्ण गाउँपालिकाका १ जना छन् भने, अन्य सबै ७८ संक्रमित पोखरा महानगरपालिकाका विभिन्न वडाका छन् ।
आज पुष्टि भएकासंगै गण्डकीमा कोरोना संक्रमितको कूल संख्या १७ हजार ४०६ पुगेको छ ।जसमा सक्रिय संक्रमित ६६४ छन् ।
पछिल्लो २४ घण्टामा गण्डकीबाट ३९ जना कोरोनामुक्त भएका छन् । यो संगै, प्रदेशमा कोरोनामुक्त हुनेको संख्या १६ हजार ५ सय ३१ पुगेको छ ।
कोरोना संक्रमणकै कारण गण्डकीमा बुधबार थप दुई जनाको मृत्यु पुष्टि भएको छ । आज पुष्टि भएका दुई मृतकसंगै गण्डकीमा कोरोना संक्रमणका कारण ज्यान गुमाउनेको संख्या २११ पुगेको निर्देशनालयले जनाएको छ ।
