शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
म्याग्दी - म्याग्दीमा ११ जना सहित गण्डकी प्रदेशमा विहिबार थप ८२ जनामा कोरोना भाइरस संक्रमण पुष्टि भएको छ । पछिल्लो २४ घण्टामा ४ सय ३२ जनाको नमूना परिक्षण गर्दा थप ८२ जनामा कोरोना भाइरस संक्रमण पुष्टि भएको प्रदेश स्वास्थ्य निर्देशनालयले जनाएको छ ।
यस्तै कास्कीको पोखरा महानगरपालिकामा थप ५५ जनामा कोरोना भाइरस संक्रमण पुष्टि भएको छ भने नवलपरासी पूवका ५ जना, स्याङजाका चार जना , पर्वत र तनहुँका तीन, तीन जना र लमजुङका एक जना रहेकाछन् ।
योसँगै प्रदेशभर कोरोना संक्रमितको कुल संख्या १७ हजार ४ सय ८८ पुगेको छ । त्यस्तै विहिवार गण्डकी प्रदेशमा २७ जना कोरोना भाइरस संक्रमण मुक्त भएकाछन् ।
हालसम्म प्रदेशभर १६ हजार ५ सय ५८ जनाले कोरोना भाइरस संक्रमण जितेको प्रदेश स्वास्थ्य निर्देशनालयले जनाएको छ । हाल प्रदेशभर ७ सय १९ जना कोरोनाका सक्रिय केस छन् । हालसम्म यहाँ कोरोनाका कारण २ सय ११ जनाको ज्यान गइसकेको छ ।
