शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
नेपालमा पछिल्लो २४ घण्टामा थप दुई हजार ५ सय ५९ मा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा भएको नौ हजार ६ सय ६४ परीक्षणमध्ये दुई हजार ५ सय ५९ मा संक्रमण पुष्टि भएको हो ।
जम्मा परीक्षणमध्ये आठ हजार ७ सय ७८ पीसीआर विधिबाट परीक्षण भएको हो भने आठ सय ६६ एन्टीजेनबाट परीक्षण गरिएको हो । संक्रमितमध्ये काठमाठौंका सात सय ६०, भक्तपुरका ७४ र ललितपरका एक सय ६गरी नौ सय ४० काठमाडौं उपत्यकाका मात्रै रहेका छन् ।
नेपालमा हालसम्म कोरोना संक्रमित हुनेको कुल संख्या २ लाख ९४ हजार ६ सय १ पुगेको छ । हाल नेपालमा १४ हजार ७ सय २४ सक्रिय संक्रमित रहेका छन् ।
त्यसैगरी पछिल्लो २४ घण्टामा संक्रमणका कारण ५ जनाको मृत्यु भएको स्वास्थ्य मन्त्रालयले जनाएको छ । नेपालमा हालसम्म संक्रमणका कारण तीन हजार एक सय २२ ले ज्यान गुमाई सकेका छन् ।
यस्तै पछिल्लो २४ घण्टामा संक्रमणमुक्त भएको चार सय १० सहित नेपालमा जम्मा दुई लाख ७६हजार ७ सय ५५ संक्रमणमुक्र भई सकेका छन् ।
