नेपालमा पहिलो पटक कोरोना संक्रमणबाट १ विदेशी नागरिकको मृत्यु भएको छ । नेपालमा रहेकी एक चिनियां नागरिकको कोरोना संक्रमणबाट मृत्यु भएको हो ।
महाराजगन्जस्थित त्रिवि शिक्षण अस्पतालमा उपचाररत ४८ वर्षिय चिनियाँ महिलाको मृत्यु भएको अस्पतालले जनाएको छ । मुटुरोगी ती महिलालाई हिजो साँझ शिक्षण अस्पतालमा भर्ना गरिएको थियो ।
महिलाको शवलाई त्रिवि शिक्षण अस्पतालको शवगृहमा राखिएको छ । चिनियाँ दुतावाससँगको सहकार्यमा उनको शव व्यवस्थापनका लागि तयारी भइरहेको अस्पतालले जनाएको छ ।
