आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
काठमाडौं उपत्यकामा मेलम्चीको पानी एक महिना नआउने भएको छ । आगामी असार १ गतेदेखि झण्डै एक महिना मेलम्चीको पानी बितरण रोकिने भएको हो । मेलम्ची खानेपानी विकास समितिका प्रवक्ता राजेन्द्रप्रसाद पन्तका अनुसार सुरुङको परीक्षण गर्नुपर्ने भएकाले असार १ गते मेलम्चीको पानी पठाउन बन्द गर्न लागिएको हो ।
कार्यविधीअनुसार सुरुङको परीक्षण गर्न लागेको उनले बताए । सुरुङमा पानी परीक्षण सफल भएपछि मात्र पानी पठाउनुपर्ने भएकाले एक महिना बन्द हुने उनले जानकारी दिए । पन्तले भने, ‘अस्ति सुख्खायाम सूरु भइसकेको हुनाले तुरुन्तै खाली नगरेर पानी नै चलाइदियौ । अब पानी परीक्षण सफल भएपछि पुनः सुचारु गर्ने हो ।
अब ठेक्का सम्झौता पनि समापन गर्नुपर्ने भएकाले सुरुङ परीक्षण पूरा गर्नुपर्ने उनले बताए । त्यसका लागि कार्यविधिअनुसार सुरुङ खाली गरेर हेर्ने अनि सबै दुरुस्त भएको अवस्थामा फेरि पानी भरेर सूचारु गर्ने उनको भनाइ छ । उनले भने, ‘असार १ गतेदेखि पानी विस्तारै सुरुङबाट खाली गर्छौ र निरीक्षण गर्छौ । सबै ठिक भएपछि सधैका लागि पानी सूचारु गर्छौ ।’
