- ट्रेण्डिङ :
पोखरा । विश्वकप फुटबलको दक्षिण अमेरिकी छनोट अन्तर्गत शनिबार बिहान भएको खेलमा ब्राजिल विजयी भएको छ । ब्राजिलले आफ्नो विजयी यात्रालाई पाँचौँ खेलसम्म पनि जारी राख्ने क्रममा इक्वेडरमाथि २-० गोल अन्तरको सहज जित दर्ता गरेको हो ।
खेलको ६५औँ मिनेटमा रिचार्लीसनले गोल गर्दै ब्राजिललाई अग्रता दिलाएका थिए उनले नेइमारको पासलाई सदुपयोग गर्दै गोल गरेका हुन् । थप गरिएको समयमा नेइमारले पेनाल्टी मार्फत गोल गरे । सोही गोलसँगै ब्राजिलले २–० गोल अन्तरको जित निकाल्यो । इक्वेडरका खेलाडीले डि बक्सभित्र फाउल गरेपछि रेफ्रीले भिएआरको मद्दतमा ब्राजिललाई पेनाल्टीको अवसर दिएका थिए ।
छनोटमा शतप्रतिशत जित दर्ता गरेको ब्राजिल ५ खेलबाट १५ अंकका साथ शीर्ष स्थानमा कायम रहँदा इक्वेडर समान खेलबाट ९ अंक जोड्दै तेस्रो स्थानमा छ ।
