शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
मिनी विश्वकप भनिने गरेको युरोपियन च्याम्पियनसिपको नयाँ संस्करण आजदेखि सुरु हुँदैछ । अघिल्लो वर्ष आयोजना हुनुपर्ने यो प्रतियोगिता कोरोना महामारीका कारण एक वर्ष सरेको हो । युरोपका २४ टोलीबीचको प्रतिस्पर्धालाई फिफा विश्वकपपछिको रोमान्चक फुटबलका रुपमा लिने गरिएको छ ।
यो प्रतियोगिता पहिलोपल्छ विभिन्न १२ देशमा आयोजना हुँदैछ । उद्घाटन इटलीको रोमस्थित ओलम्पिक रंगशालामा हुनेछ भने समापन इंग्ल्याण्डको वेम्वलीमा हुनेछ । आजको उद्घाटन खेलमा इटली र टर्की आमने सामने हुँदैछन् । सन् २०१२ को फाइनल खेलेको इटली त्यसअघि सन् १९६८ को आफ्नो पहिलो सहभागितामै विजेता बनेको थियो ।
इटलीले अहिलेसम्म ९ पल्ट युरो खेलेको छ । टर्कीको भने त्यति लामो इतिहास छैन । सन् १९९६ देखि मात्रै उसले युरो खेल्न पाएको हो भने सन् २००८ मा सेमिफाइनलसम्म पुगेको थियो । टर्कीले अहिलेसम्म पाँचपल्ट युरो खेलेको छ ।
