- ट्रेण्डिङ :
पोखरा । पछिल्लो २४ घण्टामा देशभर१८७५ जनामा कोरोना पुष्टि भएको छ ।
स्वास्थ्य तथा जनसङ्ख्या मन्त्रालयले आज साझँ सार्वजनिक गरेको तथ्याङक अनुसार पिसिआर विधिबाट गरिएको परीक्षणमा एक हजार दुई सय १८ र एन्टिजेन विधिबाट गरिएको परीक्षणमा ६ सय ५७ जनामा संक्रमण पुष्टि भएको हो ।
पछिल्लोपटक पिसिआर विधिबाट पाँच हजार तीन सय ७४ र एन्टिजेन विधिबाट पाँच हजार एक सय ३० जनाको कोरोना परीक्षण भएको मन्त्रालयले जनाएको छ ।
२४ घन्टामा २९ जना कोरोना संक्रमितको मृत्यु भएको छ । हालसम्म मृत्यु हुने संक्रमितको संख्या नौ हजार तीन सय २० पुगेको मन्त्रालयले जनाएको छ । बिहीबार एक हजार दुई सय ८६ जना कोरोना संक्रमणमुक्त भएका छन् ।
देशभर संक्रमणमुक्त हुनेको संख्या ६ लाख १५ हजार ६ सय १३ पुगेको छ । नेपालमा निको हुने दर ९४।५ प्रतिशत रहेको मन्त्रालयले जनाएको छ ।
