- ट्रेण्डिङ :
नेपाल प्रहरीको केन्द्रिय अनुसन्धान व्युरो(सिआईबी)ले बैंकिङ कसूर मुद्दाका फरार दुई जना प्रतिवादीलाई पक्राउ गरी अदालतमा बुझाएको छ ।
सीआईबीको टोलीले उच्च अदालत पाटनको फैसलाले १५ दिन कैद र ५५ लाख रुपैयाँ जरिवाना ठहर भएर फरार हुँदै आएका ललितपुर जिल्ला महालक्ष्मी नगरपालिका वडा नं.४ घर भई काठमाडौं महानगरपालिका वडा नं.१० थापागाउँ बस्ने ४९ बर्षीय गणेशमान श्रेष्ठ र ७ दिन कैद सजाय र ५२ लाख रुपैया जरिवाना ठहर भएर फरार हुँदै आएका काठमाडौँ-१९ ढोकाटोल बस्ने ६३ बर्षीय महेन्द्र प्रसाद मिश्रलाई आज पक्राउ गरेको हो।
श्रेष्ठलाई ललितपुरको लामाटारबाट र मिश्रलाई काठमाडौँको महाराजगन्जबाट पक्राउ गरी फैसला कार्यान्वयनको लागि ललितपुर जिल्ला अदालतमा पेश गरिएको सीआईबीले जनाएको छ ।
सीआईबीका अनुसार पक्राउ परेका श्रेष्ठ र मिश्रले विसं २०७६ मा विभिन्न व्यक्तिबाट रकम लिएको र पर्याप्त मौज्दात नहुँदानहुँदै पनि पीडितलाई चेक काटेर दिएका थिए । उनीहरुले दिएका चेक बाउन्स भएकाले बैंकिङ कसूर तथा सजाय ऐन अन्तरगत सजाय हुने फैसला भएको थियो ।
