काठमाडौं सहित देशका विभिन्न ठाउँमा स्रोत पहिचान नभएको कोरोना भाइरसको संक्रमण देखिन थालेको छ ।
पछिल्लो २४ घन्टामा देशैभर २ सय २४ जनामा कोरोना भाइरसको संक्रमण भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका प्रवक्ता डा. जागेश्वर गौतमले नयाँ २ सय २४ जनासहित देशभर संक्रमितको संख्या १९ हजार ७ सय ७१ पुगेको जानकारी दिए । संक्रमितमध्ये १४ हजार ३ सय ९९ जना उपचारपछि घर फर्किएका छन् भने ५६ जनाले ज्यान गुमाएका छन् ।
