म्याग्दी जिल्लामा आज शुक्रवार थप २ जनामा कोरोना संक्रमण पुष्टी भएको छ । स्वास्थ्य निर्देशानालयले दिएको जानकारी अनुसार अन्नपुर्ण गाउँपालिका ८ का ४९ वर्षिय र मंगला गाउपालिका २ का ३७ वर्षिय पुरुषमा संक्रमण पुष्टी भएको हो ।
संक्रमण पुष्टी भएका दुबै पुरुष वहराइनबाट आएका हुन । म्याग्दी क्यामपसको क्वारेन्टाइनमा बस्दै आइरहेका उनीहरुको गत श्रावण ११ गते नमुना संकलन गरी पिसिआर परिक्षणको लागी पोखरा पठाइएकोमा आज रिपोट आएको हो । हाल उनीहरुको स्वास्थ्य अवस्था सामान्य रहेको र थप उपचारको लागी बेनीको आइसोलेशनमा राखिएको निर्देशानलयले जानकारी दिए ।
म्याग्दी जिल्लामा हाल ७७१ जनाको नमुना संकलन गरि पिसिआर परिक्षण गर्न पठाएकोमा ७५० जनाको रिपोर्ट आएको जसमा ६९१ जनाको नेगेटिभ र ५८ जनाको पोजिटिभ देखिएको छ ।
एक जनाको इन्भालिड र २१ जनाको रिपोर्ट आउन बाँकीरहेको स्वास्थ्य निर्देशानलय म्याग्दीका प्रमुख एक नारायण लम्सालले बताए । लम्सालका अनुसार म्याग्दीमा कोरोना संक्रमितको सङ्ख्या ४७ जसमा महिला ५ र पुरुष ४२ रहेको छ । जसमा ४१ जना ५ महिला र ३६ पुरुष निको भएर फर्किसकेको उनले बताए ।
