- ट्रेण्डिङ :
अन्तर्राष्ट्रिय एकदिवसीय क्रिकेटको दोस्रो मैत्रीपूर्ण खेलमा पपुवा न्युगिनीसँग मैदान उत्रदै गर्दा नेपाली राष्ट्रिय पुरुष क्रिकेट टोलीले नयाँ अनुभव बटुल्दै छ ।
ओमानको मस्कटमा नेपाली टोलीले पहिलो पटक एक दिवसीय क्रिकेटमा दिवा–रात्रि खेल खेल्न लागेको हो । यसअघि नेपाली टोलीले टी–२० खेल दिवा–रात्रि खेले पनि एक दिवसीय खेल भने पहिलो पटक खेल्न लागेको हो ।
खेल नेपाली समय अनुसार अपराह्न सवा ४ बजे सुरु हुने छ । पहिलो खेलमा दुई विकेटको जित निकालेको नेपाल दोस्रो खेलमा पनि जितको लक्ष्यका साथ उत्रने छ ।
पहिलो खेलमा नेपालका लागि सन्दीप लामिछानेले सर्वाधिक चार विकेट लिएका थिए भने रोहित पौडेलले सर्वाधिक ४१ रन बनाएका थिए । पहिलो खेलमा विक्रम सोबले राष्ट्रिय टोलीबाट "डेब्यु" गरेका थिए ।
चोटका कारण उपकप्तान दीपेन्द्रसिंह ऐरीसहित विनोद भण्डारी, करण केसीलाई आराम दिइएको थियो । यो खेलमा गुल्सन झाले सोबको स्थान लिँदै डेब्यु गर्न सक्छन् ।
नेपालले पहिलो पटक एकदिवसिय क्रिकेटमा डे-नाइट खेल्न लागेको हो । अन्तिम पटक नेपालले सिङ्गापुरमा जिम्बावेसम्मिलित सिरिजमा डे-नाइट खेलेको थियो ।
"एकदिवसिय क्रिकेट"मा भने पहिलो पटक खेल्न लागेको हो । नेपालले पिएनजीसँगको खेलपछि आइसीसी विश्वकप "क्रिकेट" लिग–२ अन्तर्गत अमेरीका र ओमानसँग खेल्नेछ । यो प्रतियोगितालाई मुख्य ध्यानमा राखेर नेपालले पिएनजीसँग खेल्न लागेको हो ।
