चितवनको ईच्छाकामना गाउँपालिका–६ जलविरे स्थित झरनामा नुहाउने क्रममा बेपत्ता एक व्यक्तिको शव सशस्त्र प्रहरी टोलीले फेला पारेको छ।
सोही गाउँपालिका ४ बस्ने २० वर्षीय अभिशेक मगर सो झरनामा नुहाउने क्रममा बेपत्ता भएका थिए।सो घटनाबारे जानकारी पाउनासाथै खोजी तथा उद्वार कार्यका लागि सशस्त्र प्रहरी बल, नेपाल तालिम शिक्षालय कुरिनटारबाट गोताखोरसहितको टोली खटिएको थियो।एपीएफ टोलीले उनको शव डिप डाईभिंग विधिद्वारा खोँचबाट बाहिर निकालेको हो।
