- ट्रेण्डिङ :
नेपाली राष्ट्रिय क्रिकेट टोली आज स्वदेश फर्किएको छ । आईसीसी क्रिकेट वर्ल्डकप लिग–२ खेल्न ओमान गएको टोली आज फर्किएको हो ।
७ खेलाडीसहित २० जनाको टोली आज बिहान करिब साढे ७ बजे त्रिभूवन अन्तर्राष्ट्रिय विमानस्थलमा आइपुगेको थियो । खेलाडीहरु स्वदेश फर्किए पनि प्रशिक्षक डेभ वाटमोर र ट्रेनर भने ओमानबाटै भारत गएका छन् ।
ओमानमा रहँदा नेपाली टोलीले अमेरिका र आयोजक ओमानसँग दुई÷दुई खेल खेलेको थियो । नेपालले दुवै टोलीसँग एक÷एक खेल जितेको थियो भने एक÷एक खेल हारेको थियो।
लिग–२ मा नेपाल ८ अंक जोड्दै अंकतालिकाको लचौथो स्थानमा छ। ८ खेलबाट नेपालले ४ जित र ४ हारको नतिजासहित ८ अंक जोडेको हो । नामिबिया समान ८ अंक भए पनि नेपाल रनरेटमा अघि रहेको छ ।
ओमान १३ खेलबाट २० अंकसहित शीर्ष स्थानमा छ । १५ खेल खेलिसकेको अमेरिका १४ अंकसहित दोस्रो स्थानमा छ । त्यस्तै स्कटल्याण्ड ८ खेलबाट ९ अंकसहित तेस्रो स्थानमा छ ।
लिग–२ मा ७ वटै टिमले ९ सिरिजसहित ३६ खेल खेल्नेछ । नेपालले ओमान टुरपछि अझै लिग–२ मा ७ सिरिज खेल्न बाँकी छ ।
